"Эрдэнэс Тавантолгой” ХК-ийн Дотоод хяналт, эрсдэлийн удирдлагын газрын удирдах албан тушаалтан Х.Нурлат, Улаанбаатар хотын Гаалийн газрын гаалийн улсын байцаагч З.Сырымбек нарт холбогдох хэргийг АТГ шүүхэд шилжүүлэх саналтайгаар прокурорын байгууллагад хүргүүлжээ.

Тэднийг албан тушаалын байдлаа урвуулан ашиглаж, өөртөө хууль бус давуу байдал бий болгосон, хууль ёсны орлогоосоо илтэд давсан их хэмжээний орлого, эд хөрөнгө нэмэгдэж үндэслэлгүйгээр хөрөнгөжсөн гэх үндэслэлээр яллагдагчаар татсан байна.

Х.Нурлатыг Казакстан улсын Алмата хотод орон сууцны хороолол барьж байгуулсан хэргээр шалгаж эхэлсэн билээ. Түүнийг албан тушаалаас нь огцруулж, цагдан хорьсон ч удаж төдөлгүй сулласан байдаг.

Харин З.Сырымбекийг 2022 оны арванхоёрдугаар сарын 09-нд Б.Ганхуяг, Б.Нарантуяа, С.Энхтөр, С.Энхтүвшин нартай хамт нэг сарын хугацаатайгаар цагдан хорьж байсан юм.