Улаанбаатар төмөр зам ХНН-ийн Дотоод аудит, хяналт шалгалтын албаны дарга Ж.Пунцагийг 2022 онд АТГ-аас саатуулж, мөрдөн шалгах үйл ажиллагаа явуулж эхэлсэн. Улмаар түүнд холбогдох хэргийг мөрдөн шалгаж, прокуророос Эрүүгийн хуулийн 22.1-1 дэх хэсэгт зааснаар яллах дүгнэлт үйлдэж, хэргийг шүүхэд шилжүүлсэн ч хэргийг урьдчилсан хэлэлцүүлэг хойшилоод байсан.

Тэгвэл Ж.Пунцагт холбогдох хэргийн урьдчилсан хэлэлцүүлэг өнөөдөр /2023.10.30/ Чингэлтэй дүүргийн Эрүүгийн хэргийн анхан шатны шүүхэд болно.

Тодруулбал, Ж.Пунцаг өмнө нь АТГ болон Тагнуулын газар шалгагдаж байсан удаатай юм. Өнгөрсөн оны арваннэгдүгээр сард төмөр замчид мэдээлэл хийхдээ түүнийг үндэслэлгүй хөрөнгөжсөн, шалгуулах ёстой гэж мэдэгдэж байв. Тэгвэл энэ удаад Ж.Пунцагийг авлига, албан тушаалын хэрэг үйлдсэн нь тогтоогдоод байгаа юм.