Өсвөр насны хүүхэд хичээлдээ явахаар гарсан ч ирээгүй болох дуудлага цагдаагийн байгууллагад бүртгэгдэж эрэн хайх ажиллагаа зохион байгуулахад согтууруулах ундааны зүйл уусан байдалтай олдсон байна.

Энэ талаар ЦЕГ-ын ХМТ-өөс "Цагдаагийн байгууллагад 14 настай, эмэгтэй хүүхэд "хичээлдээ явна гэж гараад очоогүй, гэртээ ч ирсэнгүй алга боллоо, олж өгөөч" гэх дуудлага, мэдээлэл бүртгэгдсэн.

Эрэн хайх ажиллагааг шуурхай зохион байгуулахад дээрх хүүхэд нь Сонгинохайрхан дүүргийн нутаг дэвсгэрт 14-16 насны нэр бүхий хүүхдүүдийн хамт архи, согтууруулах ундааны зүйл хэрэглэсэн байдалтай байсныг олж тогтоон, ар гэр, асран хамгаалагч нарт хүлээлгэн өгч, бусад шалгалтыг зохион байгуулж байна" гэсэн мэдээллийг өглөө.