Өмнөговь аймгийн Ханбогд сумын Хайрхан багийн нутаг “Цагаан хад” суурьшлын бүсэд аравдугаар сарын 19-ний орой харамсалтай явдал болж, хоёр залуухан эмэгтэй амь насаа алджээ.

Тодруулбал, тэд ахуйн зориулалтаар ухаж бэлтгэсэн, идэвхтэй ашигладаг цооногт унажээ. Эх сурвалжийн мэдээлснээр тухайн үед харанхуй байсан, нэг нь цооног руу угаадас асгах гэж байхдаа цөмөрсөн хэсэг рүү хөл алдсан. Харин нөгөө эмэгтэй нь туслах гэж байгаад хоёулаа эндсэн гэв.

Амь хохирогчид Цагаанхад орчим тээврийн компаниудад тогооч ажилтай байжээ. Ослын шалтгаан, нөхцөл байдлыг тодорхой болгож, аюулгүй байдлыг хангах үүднээс орон нутгийн холбогдох газрууд ажиллаж байгаа юм байна.