Автомашиныхаа улсын дугаарыг авсан БНХАУ-ын иргэд Дорнод аймагт хүүхдүүдийг хөөж айлгасан гэх яриа гарсантай холбоотойгоор тус аймгийн Цагдаагийн газраас шалгалтын ажиллагааг эхлүүлсэн талаар Монцамэ агентлаг мэдээлжээ. 

Тодруулбал, энэ сарын 08 /2023.10.08/ өдөр Дорнод аймгийн Хэрлэн сумын 11 дүгээр сургуулийн нэгэн багш ангийнхаа группт хүүхдүүдээ айлгаж сэрэмжлүүлэх зорилгоор энэхүү худал зүйл бичсэн байж болзошгүй байгаа аж.

Тэрбээр ангийнхаа группт, "өчигдөр 5-р ангийн хоёр эрэгтэй хүүхдийг хөөж, айлгаж сандаргасан" гэх мэдээллийг нийтэлсэн нь ийнхүү цахим орчинд тарxсан байжээ. Харин энэхүү асуудалтай холбоотой дуудлага мэдээлэл Цагдаагийн газарт бүртгэгдээгүй байгаа гэжээ.