МАН-ын бүлгийн өнөөдрийн /2023.10.09/ ээлжит хурал болж өндөрлөлөө. Тус хурлаар үндсэн гурван асуудал хэлэлцсэний нэг болох хүүхэд хамгааллын хуулийн бодлогыг чангатгаж, эрх зүйн орчинг сайжруулах талаар Хууль зүй, дотоод хэргийн сайд Б.Энхбаяр мэдээлэл өглөө. 

Энэ үеэр тэрээр "Сүүлийн 10 жилийн хугацаанд өршөөл, уучлал, магадлан гурваар нийт 3876 хүн суллагдсан байна. Энэ дотор бага насны хүүхдийг хүчиндэх гэмт хэргээр суусан нэг ч этгээдэд Монгол Улсын Ерөнхийлөгч өршөөл, уучлал үзүүлээгүй. Эдгээр хүний 25 хүн нь УИХ-аар батлагдсан Өршөөлийн хуулиар суллагдсан байна. Мөн дээрх хүнээс дахин гэмт хэрэг үйлдсэн 6 хүн байна. 3870 хүн нь гэмт хэрэг үйлдээгүй." хэмээлээ.