Өчигдөр /2023.10.03/ Монголын үндэсний допингийн эсрэг байгууллагын нэр бүхий албан тушаалтнуудын гэр болон албан өрөөнд нэгжлэг хийсэн.

Тодруулбал, тус байгууллагын тэргүүн Ж.Хатанбаатар, гүйцэтгэх захирал М.Мөнхболд нарын гэрт АТГ-аас нэгжлэг хийгээд байна.

Тэгвэл хууль хяналтын байгууллагынхан Ж.Хатанбаатарын гэрээс сэргээшийн төрлийн бодисоос гадна их хэмжээний бэлэн мөнгө олжээ.

Мөн шалгалтын явцад Ж.Хатанбаатар бөхчүүдийн шинжилгээний хариуг хүлээж авсан мэйл хаягаа устгаж, өөрийгөө цэвэрлэсэн байжээ. 

Ямартай ч Монголын Үндэсний Допингийн эсрэг байгууллагын удирдлагуудад хийсэн нэгжлэгийн талаар мэдээлэл өгөх тов гараагүй ч нэгжлэгтэй холбоотой зарим мэдээллийг удахгүй нийтэд мэдэгдэх юм байна.