Нийтийн тээврийн парк шинэчлэлийн хүрээнд "Тэнүүн-Огоо" ХХК-тай байгуулсан гэрээний хүрээнд автобус нийлүүлсэн БНСУ-ын компанид холбогдох хоёр иргэнийг урд шөнө баривчилсан байна.

Тодруулбал, АТГ-аас тэднийг урьдчилан хорих 461-р ангид 48 цагийн хугацаатай саатуулаад байгаа аж.

Гэхдээ энэ хоёр солонгос хүн нь өнгөрөгч ням гарагт хэвлэлийн бага хурал хийсэн хүмүүс биш байх магадлалтай. Харин "Тэнүүн-Огоо" ХХК болон "Дэү" автобус компани хооронд зуучлах үүрэг гүйцэтгэсэн өөр нэгэн БНСУ-ын компанийн төлөөлөл гэх мэдээлэл байна.