Бурхан багшийн анх номын хүрд эргүүлсэн их дүйчин өдөр өнөөдөр тохиож байна. Энэ өдөрт зориулан Бурхан шашны төв Гандантэгчинлэн хийдээс зарим үйл ажиллагааг зохион байгуулах аж.

Тухайлбал, Гандантэгчинлэн хийдэд хадгалагдаж буй хосгүй үнэт “Алтан ганжуур”, Монголын Үндэсний номын санд хадгалагдаж буй “Сандуйн жүд” болон бусад сүм хийдэд хадгалагдаж байгаа “Доржзодов”, “Алтангэрэл”, “Есөн эрдэнийн Ганжуур”, мөнгөн хуудаст, алтан үсэгт “Сандуйн жүд” зэрэг судрын дээж, хувилбарыг залж, иргэдэд нээлттэй үзүүлж, сонирхуулах юм байна. Мөн өдөр сүсэгтэн олондоо зориулж ном хурах ажээ.