Шарк Ц.Батбаатар “хүүхдээ багаас нь зовлон үзүүлж сургахаар“ автобусанд суулгажээ
Шарк, 'UB групп'-ын үүсгэн байгуулагч, ТУЗ-ийн дарга Ц.Батбаатар өөрийн цахим хуудаснаа "хүүхдээ багаас нь зовлон үзүүлж сургахаар“ автобусанд суулган гэсэн пост оруулсан нь олны шүүмжлэлийг дагуулсан юм. Тэрээр тун удалгүй уг постоо устгажээ.
Тэрбээр "Ер нь хүүхдүүдээ хар багаас нь хал үзүүлж халуун чулуу долоолгож амьдрал үзүүлэх ёстой гэж боддог. Ээж нь хааяа дургүй байдаг юм. Гэхдээ өсөхийн зовлон насны жаргал шүү" хэмээжээ.
Шаркынхаар бол автобусанд суух нь хал үзүүлж, халуун чулуу долоож байгаа хэрэг болох нь. Энгийн иргэдийн өдөр тутамдаа үйлчлүүлдэг нийтийн тээвэр нь эгэлгүй иргэдийн хувьд зовлон нь бололтой... Ямар л баян хүн өөрийнхөө үр хүүхдийг өдөр хоногоо арай гэж өнгөрүүлж буй иргэдтэй явуулахыг хүсэх вэ дээ...
Амьдралаас тасарна гэж энэ байх даа.









