Өчигдөр нэгэн иргэн "ХААН банкны теллер банкны болон бусдын нийлсэн 300.000.000 гаран төгрөгөөр онлайн покер тоглочихож. Баянхонгорын Эрдэнэцогт суманд" гэх мэдээлэл сошиал орчинд гарсан.

Тэгвэл энэ талаар  ЦЕГ-ын Хэвлэл мэдээллийн төвөөс тодруулахад "Цагдаагийн байгууллагад 2023 оны 09 дүгээр сарын 15-ны өдөр “Баянхонгор аймгийн Эрдэнэцогт сумын банкны ажилтан кассаас их хэмжээний мөнгө ашиглаж цахим мөрийтэй тоглоом тоглосон байж болзошгүй байна” гэх гомдол, мэдээлэл бүртгэгдсэн.

Тус аймгийн цагдаагийн газраас дээрх гомдол мэдээлэлд мөрдөн шалгах ажиллагаа явуулж, шалгаж байна" гэв.