Та бүхэнд энэ өдрийн мэнд хүргэе. Миний бие 2023 оны 5-р сард БНСУ-д аялах зорилготой виз мэдүүлэн 07-р сард Embassy of South Korea In Mongolia яамнаас зөвшөөрөл өгч виз гарсан.

Ингээд 2023 оны 08-р сарын 30-ны өдөр Korean Air агентлагаар хоёр талын онгоцны тийзээ 2 талдаа 10 хоногоор захиалан 2023 оны 09-р сарын 15-ны өдрийн 20:30 минутаас MIAT Mongolian Airlines-тай хамтарсан нислэгээр Солонгос Улсын Инчёон дахь Олон улсын нисэх онгоцны буудалд газардсан.

Хилийн шалган нэвтрүүлэхээр бүх бичиг баримт болон хилээр нэвтрэх хуудас, эрүүл мэндийн асуулга зэргийг бөглөн ажилтаны асуусан хаана хэдэн хоногоор аялах, хэнтэй ирсэн, хаагуур аялах зэрэг асуултанд хариулсан боловч Immigration-д нэмэлт мэдээлэл өгөх шаардлагатай болж дахин хяналтын шалгалт өгч 30 минут хирээтэй ярилцсан.

Уг ярилцлагаар өмнө асуусан асуултууд, холбогдох бичиг баримт зэргийг нягтлан шалгаж тосч авах хүн байрлах газар батлан даах зэрэг хэд хэдэн хүнтэй холбогдсон боловч амжилтгүй болж нэг жижиг өрөөнд өөр өөрийн хүсэл зорилготой орон орны иргэдтэй түр саатуулагдав.

Түр саатуулах байр нь гэж элгийн юм, ажилтан албан хаагчид нь эвэртэй туулай харсан юм шиг орилоод сэтгэл санаа тавгүй байгаа, толгой тархи нь өвдсөн иргэдийг цаасаараа чичилж, цохиод хүн гэж тоохгүй. Тэр байранд дээд тал нь 10 хоносон гээд хэдэн залуус, юу болоод байгааг ч ойлгохгүй хэдэн хүмүүс. Тэр дунд ёстой 8 сартай балчираас 80 настай буурай хүртэл салбар салбарын янз янзын асуудалтай хүмүүс. Тэнд ганц дураараа байх газар нь тамхины өрөө!!!

Түр саатуулах байр нь өглөө 08, өдөр 12, орой 17 цагаас хоол ч гэхэд хэцүү юм өгнө. Өөрсдийн мөнгөөр хоол унд авах гэхээр онгоцны тийз, гадаад пасспортыг хураагаад авчихаар дамжин өнгөрөх төвийн үйлчилгээний газар, брендийн дэлгүүрүүдээр үйлчлүүлэх боломжгүй.

Туулын мөсийг долоон барин эцэг эхийнхээ өргөсөн цай сүүний дээж, хань ижлийнхээ итгэл сэтгэл, үр хүүхдүүдийнхээ нулимсыг баран байж, анд нөхөд ах эгч нарынхаа сэтгэлийн бэлэг, тэнд ажиллаж амьдарч байгаа иргэдийн ар гэрээс өгч явуулсан уут боорцог, хатуу ааруул, борц зэргийг цүнхлээд очсон иргэд хэл ус нэвтрэхгүй, Google translate ашиглан ойлголцож байгаа харагдсан.

Солонгос улсруу нисэх гэж байгаа болон явахаар төлөвлөж буй хүмүүс сайн судлаад яваарай. Хяналт шалгалтаар орсон л бол найдваргүй, мөн тэр орчуулагч гээд хүмүүс харь орны нэг муу хэдэн хүмүүсийн карманд орчихсон аятай нутгийн ард иргэдээ загнасан, зандарсан зан харьцаандаа жоохон соёл шаачих хэрэгтэй. Аргаа бараад итгээд тайлбар хийхээр битгий олон юм яриад бай, тийм үгүй гэж хариул гээд наад орчуулга хийгээд олсон хэдэн төгрөг чинь яаж хоолойгоор нь давдаг юм.

За тэгээд уудам Монголын уужуу сэтгэлтэй түмэн минь хэл хүрэх газраа хэлж, хөл хүрэх газраа явах бол хамтдаа шүү.

Онгоцны тийз, бусад зардлаараа хохирсон иргэд холбогдох хүмүүс нь бодлогын түвшинд ажил арга хэмжээ автал түгээж өгнө үү.

Монгол Улсын Засгийн газар Монгол Улсын Гадаад Харилцааны Яам Ministry of Foreign Affairs of Mongolia Oyunerdene Luvsannamsrai Batmunkh Battsetseg Батмөнхийн Батцэцэг