ЦЕГ-ын Мөрдөн байцаах алба, Хар тамхитай тэмцэх газрын алба хаагчийн биед мансуурсан этгээд халдаж, улмаар гарыг нь хазаж гэмтээжээ.

Тодруулбал, тус албанд шалгуулж, хэрэг нь шүүхэд шилжсэн С гэх 29 настай залуу жижүүрийн цагдаагийн алба хаагчийн тавьсан шаардлагыг эсэргүүцэж, гарыг нь хазаад зогсохгүй  удаа дараа цохиж гэмтэл учруулжээ. 

Түүнийг Чингэлтэй дүүргийн Цагдаагийн нэгдүгээр хэлтэст хууль сахиулагчийг эсэргүүцсэн гэх үндэслэлээр хэрэг бүртгэлт нээн шалгаж байгаа аж.

Иргэн С-ээс авсан  шинжилгээгээр мансууруулах, сэтгэцэд нөлөөлөх нэг бус бодис илэрсэн юм.