Нэгэн иргэн цахим хуудастаа "Хан-Уул дүүргийн 12-р цэцэрлэгт хүүхэд маань яваад 2 дахь хоногтоо нүднээсээ хазуулчихсан байлаа. Үүнээс гадна 4 хүүхдийг хазсан байсан. Ангид нь туслах багш байхгүй. Үндсэн багш нь хөөрхий минь 40 хүүхдийг ганцаараа өдөржингөө хардаг гэж байна. Хяналтын камер байдаг боловч тогонд залгаж ажиллуулаагүй байж арай хариуцлагагүй байна. Нэгхэн багш тийм олон хүүхдийг яаж харах вэ? Ажлын ачаалал, цалин хөлс нь хэд билээ. Туслах багш олдохгүй байгаа гэнэ. Мэдээж хэн тэнд ажиллахыг хүсэх вэ? Цалингаа нэмээд боловсон хүчнээ нэмэгдүүлээч! Дөнгөж 2 хоног дээрээ цэцэрлэгт яваад сэтгэл санаа нь хямарч байгаа хоёр настай үрийг минь дээрээс нь ийм царайтай болгочихлоо. Одоо бүр л цэцэрлэгээс айж уйлах болно. Хүүхдийн сэтгэл зүйд хүртэл ямар хэцүү байгаа бол? Хүүхэд чинь хүн хазаж байхад анхнаас нь ойлгуулж хэлээд цэцэрлэгт явуулахад нь бэлдээч! Дээрээс нь хүүхдүүдийн идэж уусан аяга тавгийг багш нь өөрөө угаадаг гэж байна! Тэр олон хүүхдийг харангаа шүү. БАГШ бол хүүхдээ л харах хэрэгтэй биздээ? Боловсрол, шинжлэх ухааны яам цааш нь зохих байгууллагад нь гомдол гаргах болно." хэмээжээ.

Бид энэ талаар тодруулаад эргэн мэдээлэх болно.