Олон нийтийн цахим сүлжээнд “13 настай охиныг бусдад хүчиндүүлсэн хэргийг цагдаа шалгалгүй тохиролцчих гэжээ” гэх мэдээлэл өчигдөр буюу есдүгээр сарын 04-ний өдөр цацагдсан. 

Тэгвэл өнөөдөр ЦЕГ-аас энэ талаар тодруулахад "2023 оны тавдугаар сард Дундговь аймгийн нутаг дэвсгэрт 13 настай хүүхэд бусдад хүчиндүүлсэн гэх гомдол, мэдээлэл бүртгэгдээгүй байх ба цахим сүлжээнд нийтлэгдсэн мэдээллийн дагуу мөрдөн шалгах ажиллагааг явуулж байна" гэлээ. 

Шалгалтаар иргэн “С” нь 13 настай охингүй /насанд хүрсэн 1 хүүхэдтэй/, хэвлэл, мэдээллийн байгууллагад ярилцлага өгөхдөө өөрийн нэрийг “Оюунаа” гэж худал танилцуулан “13 настай Ц гэх охин нь бусдад хүчиндүүлсэн” талаар худал мэдээлэл өгсөн болох нь урьдчилсан байдлаар тогтоогдоод байна.

Олон нийтийн цахим сүлжээнд эх сурвалж тодорхойгүй, мэдээллээ нягтлаагүй, иргэдийг төөрөгдүүлсэн мэдээ, мэдээлэл нийтлэхгүй байхыг цагдаагийн байгууллагаас зөвлөлөө.