Прокурорын байгууллага өнгөрсөн долоо хоногт буюу 2023 оны наймдугаар сарын 28-наас есдүгээр сарын 01-ний өдрүүдэд хэрэг бүртгэлтийн 31.874, мөрдөн байцаалтын 2474 хэрэгт хяналт тавьж, нийт 150 хэрэгт яллах дүгнэлт үйлдэн шүүхэд шилжүүлж шийдвэрлэжээ.   

Яллах дүгнэлт үйлдэн шүүхэд шилжүүлсэн зарим хэргээс дурдвал

• “А” ХХК-ийн гүйцэтгэх захирал П.Н нь 2 тэрбум төгрөгийн бараа үйлчилгээг худалдан авсан мэтээр нэмэгдсэн өртгийн албан татварын хуурамч цахим шивэлт хийж, 200 сая төгрөгийн татвар төлөхөөс зайлсхийсэн гэх хэргийг Эрүүгийн хуулийн 18.3 дугаар зүйлийн 1 /Татвар төлөхөөс зайлсхийх/-т зааснаар яллах дүгнэлт үйлдэн Өмнөговь аймаг дахь сум дундын эрүүгийн хэргийн анхан шатны шүүхэд шилжүүлсэн байна.