Наадамчдын гудамжнаас баруун үйлдвэрийн гудамж хүртэлх буюу бидний хэлж заншсанаар Мишээлийн уулзвараас Говийн зам хүртэлх замын ажил эхлээд жил гаруйн хугацаа өнгөрсөн хэдий ч өнөөдрийг хүртэл ашиглалтад ороогүй байна.

Учир нь "Эрэл" хэмээх эрх, дархтай компани замын барилгын ажлыг явуулах "газрыг чөлөөлөхгүй" байгаагаас үүдэн өнөөдөр ийнхүү 1,2 км замын ажил зогсонги байдалд ороод байна.

Тус замын барилгын ажлыг "Тотал Инж" ХХК гүйцэтгэж байгаа бөгөөд өнөөдрийн байдлаар газар чөлөөлөлт хийгдсэн хэсэгт буюу гүүрийн ажил болон 760 метр замын ажлыг бүрэн хийж дуусгаад байгаа аж. Үргэлжлүүлэн "Эрэл" ХХК-ий үйлдвэрийн байрны хойгуур буюу хуучин төмөр зам байсан хэсгээр зам тавих аж. Тус компанийхан тухайн төмөр замыг өөрсдийн материалаа татахдаа ашигладаг гэх тайлбарыг хэлдэг ч төмөр замыг олон жил ашиглаагүй нь тогтоогдсон байна.

Ингээд Нийслэлийн Засаг дарга тухайн хэсгийг чөлөөлөх захирамж гаргасан хэдий ч Б.Эрдэнэбат гэдэг хүн тус захирамжийг үл тоон газар чөлөөлөхөөр очсон ажилчдын ажлыг хийлгэхгүйгээр үл барам машин техникийг нь хааж зогсох, машины кабинд нь дайрч орж суух, суулт хийх зэрэг үйлдлийг үзүүлсэн аж. Үргэлжлүүлэн тухайн компаний ажилчид газар чөлөөлөлтийн ажлыг явуулахгүй байх үүднээс Эрэл компаний эргэн тойронд тоног төхөөрөмж байрлуулж, ажилд саад учруулж байгаа аж. 

Эрэлийн Б.Эрдэнэбат гэгч нь 2011 оноос хойш гурван банк буюу Монгол Улсын Хөгжлийн банк, Хаан банк, Хас банкнаас нийтдээ 155 ТЭРБУМ 564 САЯ төгрөгийн зээл авсан хэдий ч өнөөдрийг хүртэл бүрэн төлж барагдуулаагүй луу унжсаар яваа. Гэтэл өнөөдөр өөрийн эзэмшлийн газар нэрийн дор улсын ажлыг уяж, замын төслийн бүрэн зогсоосон байх юм.

Нийслэлийн замын түгжрэл дээд цэгтээ хүрсэн эдгээр өдрүүдэд удирдлагуудаас авч хэрэгжүүлсэн ажил нь ТЭГШ, СОНДГОЙ дугаараар л хязгаарлах байв.

Утгаа энэ мэт замын түгжрэлийг бууруулах төсөл хөтөлбөрийг урагшлуулж байж замын түгжрэл буурна. Гэвч өнөөдөр Эрэлийн Б.ЭРДЭНЭБАТ гэгчээс болоод энэ мэт төсөл зогсох нь хэр зохистой вэ ‼