Цар тахлын улмаас зогсоод байсан Улаанбаатар-Замын-Үүд-Эрээн чиглэлийн зорчигчийн галт тэрэг энэ сарын 31-ний өдрөөс эхлэн дээрх чиглэлд аялахаар болсон байна.

Эхний галт тэрэг наймдугаар сарын 31-нд Улаанбаатараас хөдөлж, есдүгээр сарын 1-нд Эрээн боомтод очно. Цаашид Улаанбаатар-Хөх хот, Улаанбаатар-Бээжин чиглэлийн зорчигчийн галт тэрэгний үйлчилгээг ойрын үед сэргээх асуудлыг ажил хэрэг болгохоор ажиллаж байна хэмээн ЗТХ-ийн сайд С.Бямбацогт мэдээлэв.