Энэ сарын 22-ны өдөр нэгэн иргэн цахим хуудаснаа “10-13 насны хоёр охиныг нэг эрэгтэй хулгайлахыг завдсан” гэх мэдээллийг нийтэлсэн.

Энэ талаар ЦЕГ-ын ХМТ-өөс “Цагдаагийн байгууллагын 102 тусгай дугаарт 2023 оны 08 дугаар сарын 22-ны 19 цаг 30 минутад “БЗД 4 хорооны нутаг дэвсгэрт нэр бүхий хотхонд байрлах дэлгүүрийн гадаа манай 10 настай 13 настай 2 эмэгтэй хүүхдийн араас эрэгтэй хүн дагаад та 2 дэлгүүрээс юм хулгайлсан байна гээд авч явах гэсэн байна” гэх дуудлага мэдээлэл бүртгэгдсэн. Уг мэдээллийг Баянзүрх дүүргийн цагдаагийн газрын хоёрдугаар хэлтэст гомдол, мэдээллийн бүртгэлд авч холбогдох шалгалтын ажиллагааг явуулж, тухайн этгээдийг эрэн сурвалжлах ажиллагааг үргэлжлүүлж байна” гэсэн байдаг.

Тэгвэл тухайн иргэнийг олж тогтоосон эсэх талаар ЦЕГ-ын ХМТ-өөс тодруулахад "Тухайн этгээдийг эрэн сурвалжлах ажиллагааг нутаг дэвсгэр хариуцсан цагдаагийн байгууллагаас үргэлжлүүлж байгаа" хэмээлээ.