Төрийн цэргийн болон хууль сахиулах байгууллагуудын 80 залуу офицер “Шилдэг залуу офицер шалгаруулах уралдаан-2023”-т оролцож, эхний өдөр цэргийн дүрэм, гадаад хэлний мэдлэг, эсээ бичлэг, сэтгэл хөдлөлийн оюун ухааны тест болон илтгэх ур чадвараараа өрсөлдлөө.

Тус уралдаанд Шүүхийн шийдвэр гүйцэтгэх байгууллагын Тусгай ажиллагааны газрын бүлгийн офицер, ахлах дэслэгч Б.Жаргалсайхан, Сургалт хүмүүжлийн тусгай байгууллагын ахлах төлөөлөгч, хошууч Э.Жамбалрагчаа, 413 дугаар нээлттэй хорих ангийн гадна хамгаалалтын байцаагч, дэслэгч Б.Ихэрбаяр, 439 дүгээр хаалттай хорих ангийн төлөөлөгч, ахлах дэслэгч Ц.Ганзориг, Цагдан хорих 461 дүгээр хаалттай ангийн эмч, ахлах дэслэгч С.Лхагвабаяр, Сэлэнгэ аймгийн Сайхан сум дахь Шүүхийн шийдвэр гүйцэтгэх хэлтсийн дарга, хошууч Б.Нямхишиг, 409 дүгээр хаалттай хорих ангийн нягтлан бодогч, дэслэгч Ж.Цэвэлмаа, Нийслэлийн шүүхийн шийдвэр гүйцэтгэх газрын шийдвэр гүйцэтгэгч, ахлах дэслэгч Х.Энхсувд нар оролцож байна.