Хан-Уул дүүргийн 11 дүгээр хорооны “Астра вилла” хотхонд өчигдөр орой гал гарсан гэх зураг цахим орчинд цацагдсан.

Энэ талаар бид ОБЕГ-аас тодруулахад “ Энэ сарын 24-ний өдрийн 19:36 цагт дээрх дуудлага мэдээлэл ОБГ-т ирсэн бөгөөд тус дүүргийн ОБ-ын хэлтсийн Гал түймэр унтраах, аврах 14 дүгээр ангийн алба хаагчдыг очиход иргэн М-ийн байранд эд зүйлс, тагт шатаж байсныг 30 минут ажиллаж унтраасан байна. Мөн утаажилтын бүсээс тус орцны 30 иргэн /том хүн 23, хүүхэд 7/-ийг аюулгүй газарт гаргасан." гэв.