Цар тахлын улмаас хаагдаад байсан Замын-Үүд-Эрээн боомтоор энэ оны нэгдүгээр сараас зорчигч тээврийн үйлчилгээг эхлүүлсэн юм. Ингэхдээ автобусаар Монголын талаас өдөрт 300 хүн гарах журамтай байв.

Харин наймдугаар сарын 25-наас Хятадын тал Замын-Үүд-Эрээн боомтын төмөр замын зорчигч тээврийн үйлчилгээг эхлүүлэхээр болсныг мэдэгдсэн байна.

Тодруулбал Хятадын талаас Замын-Үүд-Эрээн боомтын төмөр замын зорчигч тээврийг сэргээх бэлтгэл ажлыг бүрэн хангаснаа мэдэгджээ.

Ингэхдээ тэдний зүгээс цаашид боомтын халдварт өвчнөөс урьдчилан сэргийлэх болон хил нэвтрэлтийг сайжруулж, боомтын үйл ажиллагааг хэвийн ажиллуулах нөхцөлөөр хангахыг хүсчээ.