Сонгинохайрхан дүүргийн 20 дугаар хороо, “Авто цогцолбор худалдааны төв”-ийн зүүн урд талд тогтоол усанд нэг хүн сэлэхээр ороод живсэн тухай дуудлагыг  наймдугаар сарын 19-ний өдрийн 12.24 цагт ОБЕГ хүлээн авчээ.

Нийслэлийн Аврах ангийн алба хаагчид 12.54 цагт очиход тухайн газарт гурван өрхийн 10 хүн амарч байснаас Сэлэнгэ аймгийн Мандал сумын харьяат иргэн Ц/30 настай, эрэгтэй/ согтуугаар тогтоол усанд сэлж байгаад живжээ.

Улмаар эрэн хайх ажиллагааг албаныхан зохион байгуулж, 13.09 цагт тус нуурын дөрвөн метрийн гүнээс цогцсыг олж, гарган тус дүүргийн Цагдаагийн нэгдүгээр хэлтэст шилжүүлэн өгсөн байна.