Хэнтий аймагт болсон найман ишигний гэх хэргийн шийтгэх тогтоолын талаар хэлэлцүүлэг зохион байгуулах тухай "Иргэдийн шударга шүүх"-ээс өнөөдөр мэдээлэл хийлээ.

"Иргэдийн шударга шүүх" төрийн бус байгууллагын тэргүүн Х.Бат-Ялалт: Бид энэ 8 ишигний гэх хэрэгт сэтгэл хөдлөлөөр биш ул суурьтайгаар, хууль, эрх зүйн үүднээс хандаж, цэг тавих ёстой. Хохирогч нь мод тарьдаг сайн хүн байна уу, олон хүүхэдтэй байна уу гэдэг нь энд огт хамаагүй.

Манай хууль, шүүхийнхэн энэ хэргийн бодит мөнийг тогтоож чадсангүй. Тиймээс олон талын байр суурь шингэсэн нээлттэй хэлэлцүүлэг, мэтгэлцээн өрнүүлж, ард түмэнд бодит мэдээлэл олгон, хэргийг шийдье.