УИХ-ын гишүүн асан, “Номин холдинг” ХХК-ийн зөвлөх А.Шагдарсүрэн болон гэр бүлийнхэн нь “Номин” гэдэг нэртэй салшгүй холбоотой. А.Шагдарсүрэн Р.Содном нар Ш.Уламбаяр, Ш.Баяр­сайхан, Ш.Энхбаяр хэмээх гурван хүүтэй бөгөөд гурван хүү нь өнөөдөр бизнесээ үргэлжлүүлэн авч яваа. 

Засгийн газраас хэрэгжүүлж буй 5Ш ажиллагааны хүрээнд зарим мэдээлэл ил болсон.

Энэ хүрээнд Shilen.gov.mn сайтад нийтлэгдсэн мэдээллийг ухахад А.Шагдарсүрэнгийн хүү Энхбаяр Бугат болон Арцадын аманд чамгүй олон газрыг аялал жуулчлалын цогцолбор барих нэрийн дор өөрийн болгожээ. 

Ш.Энхбаяр нь "Өлзийт голын ус" ХХК-ий хувьцаа эзэмшигч бөгөөд 2017 онд тус компаниараа дамжуулан Арцадын аманд 11,99 га талбайг эзэмшин аялал жуулчлалын цогцолбор барих нэрийн дор зураг гаргуулсан хэдий ч хаус хороолол бариулсан байна. 

Тэгвэл үргэлжлүүлэн өөрийн 100 хувь эзэмшдэг "Эмэралдтерра" ХХК-ий Богины аманд 2022 онд газар авч байжээ.