Сэлэнгэ аймгийн Алтанбулаг сумын “Гүн” нуурт эрэгтэй хүн осолдсон тухай дуудлагыг 08-р сарын 08-ны өдрийн 15:27 цагт хүлээн авчээ. 

Сэлэнгэ аймгийн Онцгой байдлын газрын Эрэн хайх, аврах ангийн алба хаагчдыг очиход иргэн Т 24 настай, эрэгтэй нь нуурын усанд сэлэхээр ороод живсэн тул эрэн хайх ажиллагааг зохион байгуулан ажиллаж, мөн өдрийн 17:20 цагт анх осолдсон газраас зүүн хойд зүгт 7 метр зайд, 3.5 метр гүнээс цогцсыг олж гарган аймгийн Шүүх шинжилгээний хэлтсийн шинжээчид шилжүүлэн өгсөн байна.