Нийтлэлч, яруу найрагч Р.Эмүжин өөрийн цахим хуудаснаа "За эрх баригч намын шүдний өвчин, цээжний бэтгэ болоод байгаа Сумъяабазар дэргэдээ баргийн сумын төвийн санхүүгээс өндөр, тэрбумаар тоологдох төсөвтэй хэвлэлийн албатай болсон.

Түүний хэвлэлд төсөвлөсөн мөнгө тэрбум төгрөг. Хэвлэл мэдээллийн хэлтэс нь 20 шахам хүний бүрэлдэхүүнтэй, мэргэжлийн телевизээс олуулаа гэхэд хилсдэхгүй. Түүнийг нь дотнын найзынх нь гэргий ахлан ажилладаг, Хангарьд ордны бүтэн давхрыг эзлэн албан ажлаа явуулдаг.

Энэ тэрбум төгрөгийн төсвийнхөө тайланг тавина уу, харъя. Ямар сайт пэйжүүдийг хэдээр худалдан авсныг нь ард түмэн татвар төлсний хувьд мэдмээр байна. Тархи хэрхэн, хэдээр, ямар тохироогоор угаадгийг үзмээр байна.

Ард түмэн татвар төлнө, төлсөн татвараар нь суудлаа хамгаалж эргүүлээд тархи угаана, үүнийгээ хэзээ болих вэ? Өгдөг авдаг хоёр хоёулаа цэгцрэхгүй бол худлаа шоудаж, хөгжил энэ тэр ярьж матрын нулимс унагахаа болино уу, баярлалаа. За тэгээд мөнгөөр амаа таглуулаагүй, мөнчгөрөөрөө иргэд нь шэйрлээд түгээгээрэй. Бид тархи угаалтын хар нүхэнд эргээд гүн унаж, ухралт хийж байна, ингэж ухрах эрх үгүй" гэв.