Эх, Нярай, Эмэгтэйчүүдийн Үндэсний Төв (ЭНЭҮТ)-2-т зарим төрлийн хүүхдийн эмгэгийг хэвтүүлэн эмчлэхгүй болж байгааг мэдээлэв.

Тодруулбал Эрүүл Мэндийн Даатгалын Үндэсний Зөвлөлийн энэ оны зургаадугаар сарын 28-нд баталсан наймдугаар тогтоолын дагуу ЭНЭҮТ-2-ын Хүүхдийн эмнэлэг нь доорх өвчнийг эмчлэх үйл ажиллагаа явуулах боломжгүй болжээ. 

Үүнд

• Амьсгалын замын эмгэгүүд
• Хоол боловсруулах эрхтний эмгэгүүд
• Бөөр шээсний замын эмгэгүүд багтаж байна.

Гэхдээ дээрх өвчнийг аймаг, дүүргийн эмнэлэгт хэвтэн эмчлүүлэх боломжтой юм.

Харин ЭНЭҮТ-2-т дараах төрлийн тусламж үйлчилгээг үзүүлж байна. 

• Яаралтай тусламж 
• Амбулаторийн тусламж үйлчилгээ /Аймаг, дүүргийн эмнэлгээс 13а маягттай ирэх/
• 0-28 хоногтой нярай
• Мэс заслын тусламж үйлчилгээ /Ерөнхий мэс засал, эрүү нүүрний мэс засал, чих хамар хоолойн мэс засал/
• Өдрийн эмчилгээ
• Хүүхдийн эрчимт эмчилгээ чиглэлээр тусламж үйлчилгээ үзүүлнэ.

Эх сурвалж: ЭНЭҮТ-2