Нийслэлийн Засаг даргын Тамгын газраас нутгийн захиргааны байгууллагын дарга нарт өгсөн “Байгууллагын дүрмээр хүлээсэн чиг үүргийн дагуу иргэд, олон нийтэд газар дээр нь төрийн үйлчилгээг биечлэн хүргэх үйл ажиллагааг эрчимжүүлэх” чиглэлийн дагуу ОСНААУГ-ын удирдлагууд хуваарь гарган ажиллаж байна.

 Өнөөдөр (2023.07.21) ХАБЭА-н хэлтсийн дарга Г.Идэрбаяр “Зүүн түгээх төв”, “Хэрэглэгчдэд үйлчлэх төв-2” салбаруудад Улаанбаатар дулааны сүлжээ ТӨХК-ний 0 зогсолттой уялдуулан хийгдэж байгаа тус газрын инженерийн шугам, сүлжээний их болон урсгал засварын ажлын үед ХАБЭА-н тухайчилсан зааварчилгааг өдөр тутамд өгч тухайн ажлыг аюул эрсдэлгүй гүйцэтгэхэд хяналт тавих, үерийн гамшгийн дараах иргэд, аж ахуйн нэгж байгууллагаас ирүүлсэн санал хүсэлтийг шийдвэрлэх ажлуудад зөвлөгөө өгч, иргэдийн санаа бодлыг сонсон, байгууллагын үйл ажиллагааны талаарх цаг үеийн мэдээллийг хүргэж ажиллалаа. 

Иргэдээс ирсэн өргөдлийн дийлэнх нь хувийн орон сууцны контороос ОСНААУГ-ын харьяанд ирэх хүсэлт мөн үерийн гамшгийн үед шуурхай, нэгдмэл зохион байгуулалтаар ажилласан ОСНААУГ-ын ажилтнуудад хандсан талархлууд байна.