Улаанбаатар Увс аймгийн чиглэлд зорчигч тээврийн үйлчилгээ үзүүлдэг “Ач буян трэйвел” ХХК-ийн автобусны жолооч зургадугаар сарын 22-нд явган зорчигч дайрч, хөнөөгөөд цогцсыг нь ээлжийн жолоочтойгоо хамт зөөвөрлөж, хэргийн газраас зугтжээ.

Тодруулбал, Улаанбаатар хотоос Увс аймаг руу зорчигч тээвэрлэж явсан автобусын жолооч 53 настай эрэгтэй Архангай аймгийн Өндөр-Улаан сумын Бэлхи хэмээх газар зам тээврийн ноцтой осол гаргаж, хэргийн газраас зугтсан байна.

Осол болсон үед автобусны жолооч ээлжийн жолоочтойгоо хамт цогцсыг нь зөөвөрлөж, жалганд нуусан болохыг зорчигчид цагдаад мэдэгджээ. 

Уг хэргийг  Архангай аймгийн цагдаагийн газар шалгуулж  байгаа юм.