Юнител компанийн 350 сая төгрөгийн хөрөнгө оруулалтаар Дундговь аймгийн Бага газрын чулуу байгалийн үзэсгэлэнт газар 2G, 4G сүлжээ нэвтэрлээ.

Аймгийн Засаг дарга Ц.Мөнхбатаас алслагдмал бүс нутгуудад 4G сүлжээ нэвтрүүлэх талаар тавьсан саналыг хүлээн авч ажил хэрэг болгосон Юнител компанийн төлөөлөн удирдах зөвлөлийн дарга Р.Ганболд танд талархал илэрхийлье.

Тус сүлжээг Бага газрын Чулууны урд хэсэгт байршуулсан бөгөөд Бага газрын чулуу, Сүм хөх бүрд орчимд тест хийж үзэхэд хэвийн хамрагдаж байгаа ажээ. 2G сүлжээний хамрах хүрээ 20 км радиус, 4G сүлжээний хамрах хүрээ нь 15 км-ийн радиусыг хамардаг бөгөөд байгалийн тогтцоос хамааран харилцан адилгүй байдаг байна.