Орон нутгийн замд эвдрэл үүссэн талаар Зам, тээврийн хөгжлийн яамнаас мэдээллээ.

Тодруулбал Улаанбаатар-Арвайхээр чиглэлийн авто замын ПК192-194 километр хооронд үер бууж, зам давсны улмаас хөвөөнд эвдрэл үүссэн байна. Иймд жолооч нар тус чиглэлийн замаар болгоомжтой зорчихыг холбогдох байгууллагаас анхаарууллаа.

Түүнчлэн Төв аймгийн Лүн суманд үер буусан талаарх мэдээлэл цахим сүлжээнд гарсан. Тэгвэл энэ талаар Онцгой байдлын ерөнхий газраас тодруулахад "Манай байгууллагад одоогоор тус мэдээлэл бүртгэгдээгүй" гэдгийг хэлсэн юм.