“Дулааны цахилгаан станц-3” төрийн өмчит хувьцаат компанийн гүйцэтгэх захирал Л.Эрхбаатарт яллах дүгнэлт үйлдүүлэхээр хавтаст хэргийг нь НПГ-т хүргүүлсэн байна.  Тэрбээр 2022 оны есдүгээр сарын 6-7-нд шилжих шөнө Хасу Эрчим ХХК-ийн гүйцэтгэх захирал Б.Бат-Эрдэнээс тендер сонгон шалгаруулалтад тэнцүүлж өгсний авлигалд 100 орчим сая төгрөгийг авлигаар авч байх үйлдэл дээр нь ЭЦА-ны мөрдөгчид саатуулан хойшлуулшгүйгээр цагдан хорьж байсан билээ.

Тодруулбал, ДЦС-3 ТӨХК нь өнгөрсөн оны долдугаар сард "Утаа сорогч худалдан авах", "Дулаалгын материал худалдан авах" зэрэг хэд хэдэн тэрбумын төсөвт өртөгтэй 2 тендер зарлаж, Хасу-Эрчим ХХК-г шалгаруулан гэрээ байгуулсан байдаг. 

Л.Эрхбаатар нь өмнө нь Эрдэнэтийн дулааны цахилгаан станцад ажиллаж байсан бөгөөд уг албан тушаалд томилогдоод нэг жил болж байсан билээ.