Чингэлтэй дүүрэгт байрлах GS25 сүлжээ дэлгүүрт өчигдөр буюу 6 сарын 6-ны 17:00 цаг орчмын үед ой хүрээгүй хүүхдээ орхиж явсан хэрэг гарсан.

Тодруулбал, дэлгүүрийн ажилчид хүүхдийг хооллож, ээжийг нь бүтэн цаг хүлээсэн ч  ээж нь ирээгүй учир Чингэлтэй дүүргийн цагдаад дуудлага өгчээ.

Цагдаагийн байгууллагаас хүүхдийг 108 төвд хүргэн, эхийг эрэн хайх ажиллагаа явуулж байсан.

Энэ талаар ЦЕГ-аас тодруулахад " Одоо тухайн эхийг эрэн хайх ажиллагаа явагдаж байгаа. Орон нутаг руу гарч явсан байх магадлал өндөр байна. Хүүхдийг хүүхэд хамгаалах байранд хүргэж өгсөн." гэсэн мэдээллийг өглөө.