Өнгөрсөн сарын 31-ний өдөр сайжруулсан түлшинд 25 иргэн угаартаж, найман иргэн амиа алдсан харамсалтай хэрэг гарчээ. Нас барсан хүмүүс дотор таван настай хоёр, 17 настай нэг хүүхэд байжээ.

Өнөөдрийн байдлаар Цэргийн төв эмнэлэгт 18 иргэн эмчлүүлж байгаа бөгөөд хоёр иргэний биеийн байдал хүндэвтэр, бусад хүний биеийн байдал тогтворжсон байна. 

Тус өдөр нийслэлд бороотой байсан тул айл өрхүүд гэртээ галлагаа хийснээр тус хэрэг гарсан аж. Тиймээс ард иргэд сайжруулсан түлш түлсэн үедээ өрхөө бүтээхгүй байх, агаар салхи сайн оруулах хэрэгтэйг анхаарна уу.