Шувуу ажиллагаа Эрээн хотоос дараагийн баривчилгаагаа хийх гэж байгаа талаар бид өмнө нь мэдээлсэн. Тэгвэл энэ хүрээнд Сүхбаатар дүүргийн цагдаагийн газрын хоёрдугаар хэлтэс, Эрүүгийн цагдаагийн албаны Эрэн сурвалжлах хэлтсээс оргодол этгээдээр 2020 оны 01 дүгээр сараас хойш эрэн сурвалжлагдаж байсан Мөнхтуяа овогтой Жавхланг БНХАУ-д байгаа талаарх мэдээллийг авч Эрээн хотоос баривчилжээ.

Тодруулбал, Монгол Улс эрх зүйн туслалцаа харилцан үзүүлэх гэрээний дагуу 2023 оны 06 дугаар сарын 04-ний өдөр тус улсын Эрээн хотоос баривчилжээ.

Эх сурвалжийн мэдээллээр, түүнийг өнгөрсөн шөнө Улаанбаатар хотод авчирсан бөгөөд одоогийн байдлаар Цагдан хорих 461 дүгээр хорих ангид саатуулагдсан байна.