Шүүхийн ерөнхий зөвлөл /ШЕЗ/-өөс өнөөдөр /2023.05.29/ олон нийтийн анхаарлын төвд байгаа хэргүүдийн талаар сэтгүүлчдэд мэдээлэл хийлээ.

Энэ үеэр иргэн Д.Мөнх-Эрдэнийн хэргийн талаар тодруулахад " Хан-Уул дүүргийн шүүх иргэн Мөнх-Эрдэнэд хуульд заасан эрхийг нь бүрэн эдлүүлсэн. Мөнх-Эрдэнэ нарын таван хүн холбогдох хэргийг Нийслэлийн давж заалдах шатны шүүх 2023 оны тавдугаар сарын 25-ны өдөр хүлээн авсан. Гэхдээ шүүх хуралдаан хараахан товлогдоогүй байна.

Эрүүгийн хэргийг хянан шийдвэрлэх тухай хуульд зааснаар давж заалдах шатны гомдлыг шүүхээр хэлэлцэх хугацааг 30 хоногт багтаан явуулах ёстой" гэв.