Баян-Өлгий аймагт энэ сарын 27-ны өдрийн  15:00 цагт хийлдэг тоглоом салхинд хийж хүүхдүүд гэмтсэн осол гарсан талаар тус аймгийн “Дербес” телевиз мэдээлжээ.

Энэ талаар Цагдаагийн ерөнхий газраас тодруулахад “Баян-Өлгий аймгийн Өлгий сумын 11 дүгээр багийн нутаг дэвсгэр, төв талбайд байрлуулсан хийлдэг гулгуур салхинд хийссэн. Улмаар түүнд тоглож байсан 15 хүүхдээс 12 хүүхэд гэмтэж, гэмтлийн тасагт хэвтэн эмчлүүлж байна. Үүнээс хүнд гэмтсэн хоёр хүүхэд ухаангүй, сэхээний тасагт байна” гэж мэдээллээ