Нүүрсний хулгайчдын нэрсийг ил болго хэмээн залуусын жагсаалыг удирдаж байсан жүжигчин У.Цогтбаяр ГЭР БҮЛИЙН ХҮЧИРХИЙЛЭЛ үйлдэж, эхнэр "Х"-г хэл амаар доромжилсон хэргээр Хан-Уул дүүргийн цагдаагийн хоёрдугаар хэлтэст шалгагдаж байгаа аж.

Тодруулбал, Хан-Уул дүүрэг дэх цагдаагийн газрын хоёрдугаар хэлтэст 2023 оны 04 дүгээр сарын 30-ны өдөр "Хан-Уул дүүргийн 4 дүгээр хороонд "эмэгтэй хүн туслаарай" гэх дуудлага мэдээлэл цагдаагийн байгууллагад бүртгэгдсэн байна. 

Дээрх мэдээлэлд зөрчил шалган шийдвэрлэх ажиллагаа явуулан 2023 оны 05 дугаар сарын 01-ний өдөр холбогдогч У.Цогтбаяраас холбогдогчоор мэдүүлэг авсан, 2023 оны 05 дугаар сарын 08- ны өдөр балкон дээр байсан модоор гэрийнхээ цонхыг хагалж, эхнэр болох Х-д салаавч гаргаж гичий, лалар зэрэг зүй бус үгээр хэл амаар доромжил 00-н өрөөний хаалгыг эвдсэн болох нь тогтоогдож, аюулын зэргийн үнэлгээ "дунд" хэмээн тогтоогдсон байна. У.Цогтбаяр нь нэг уухаараа 3-5 хоног үргэлжлүүлэн уудаг. Хуваарьт болон дундын өмч хөрөнгө эзэмших, ашиглах, захиран зарцуулах эрхэнд халдах зүйл байхгүй. Мөн хүсэл зорилгын эсрэг тодорхой үйлдэл хийхгүй байхыг албаддаг үйлдэл байхгүй хэмээн мэдүүлжээ.

Иймээс У. Цогтбаярыг Зөрчлийн тухай хуулийн 5.2 дугаар зүйлийн 1 дэх хэсгийн 1.1 дэх хэсэг, Зөрчлийн тухай хуулийн 8.8 дугаар зүйлийн 1 дэх хэсгийн 1.1 дэх зааснаар Хан-Уул дүүргийн эрүүгийн хэргийн анхан шатны шүүхээр шийдвэрлүүлэхээр зөрчил шалган шийдвэрлэх ажиллагааг явуулж байгаа болохыг танилцуулж байна” гэжээ.