Электрон тамхины худалдаа, хэрэглээг хязгаарлахтай холбоотой Дархан-Уул, Баян-Өлгий аймгийн Засаг даргын гаргасан шийдвэр /захирамж/ Өрсөлдөөний тухай хууль тогтоомжийг зөрчиж байх тул хуулийн хэрэгжилтийг хангуулахаар гаргасан захирамжаа цуцлах шаардлагыг Шударга өрсөлдөөн, хэрэглэгчийн төлөө газраас хүргүүлсэн байна.

Өрсөлдөөний тухай хуулийн Төрийн захиргааны байгууллага, нутгийн өөрөө удирдах болон нутгийн захиргааны байгууллагаас өрсөлдөөнийг хязгаарлахыг хориглох тухай бүлгийн 13.2.2-т аж ахуй эрхлэгчийн бараа бүтээгдэхүүнээ нэг зах зээлээс нөгөөд борлуулахыг хориглосон буюу хязгаарласан гэх заалтыг зөрчсөн тул зах зээлийн өрсөлдөөнийг хязгаарлах замаар хуулиас давсан хэм хэмжээ агуулсан шийдвэр гаргахгүй байхыг зөвлөжээ.