Улсын ерөнхий прокурорын газрын Төр, нийтийн ашиг сонирхлыг хамгаалах алба Монгол Улсын “Хөгжлийн банк” ХХК-ийн хүсэлтээр Нийслэлийн Иргэний хэргийн давж заалдах шатны шүүхийн 2023 оны 5 дугаар сарын 12-ны өдөр хянан хэлэлцсэн “Эрэл” ХХК-аас зээлийн төлбөр 202,9 тэрбум төгрөг, “Монгол драй милк” ХХК-аас 74 тэрбум төгрөг гаргуулах нэхэмжлэлтэй хэрэгт оролцжээ.

Шүүх прокурорын гаргасан гомдол, тайлбарыг хүлээн авч дараах байдлаар төрд ашигтайгаар шийдвэрлэжээ.

Тодруулбал,

• “Монгол драй милк” ХХК-аас зээлийн гэрээний үүрэгт 58,4 тэрбум төгрөгийг гаргуулахаар шийдвэрлэсэн анхан шатны шүүхийн шийдвэрт өөрчлөлт оруулж, нэхэмжлэлийг бүхэлд нь ханган, үнийн дүнг нэмэгдүүлэн 74 тэрбум төгрөгийг гаргуулахаар;
• “Эрэл” ХХК-аас 171,2 тэрбум төгрөгийг гаргуулан “Монгол Улсын Хөгжлийн банк” ХХК-нд олгохоор шийдвэрлэсэн анхан шүүхийн шийдвэрт өөрчлөлт оруулан, нэхэмжлэгчид олгох үнийн дүнг нэмэгдүүлэн нийт 173,8 тэрбум төгрөгийг хариуцагчаас гаргуулахаар тус тус шийдвэрлэсэн байна.