Орон нутгийн замд том оврын автомашиныг гүйцэж түрүүлэх үйлдэл хийж байгаад онхолдож, амь насаа алдсан хэрэг гарчээ.

Тодруулбал, Өмнөговь аймгийн "Өгөөмөр" гэх газар автомашинууд мөргөлдөж, хүн нас барлаа гэх мэдээллийг цагдаагийн байгууллага тавдугаар сарын 13-ны өдөр авсан байна.

Дуудлагын дагуу шалгахад 40 настай эмэгтэй гүйцэж түрүүлэх үйлдэл хийх явцдаа онхолдож, амь насаа алдсан болох нь тогтоогджээ.

Хэргийг харьяа цагдаагийн газар үргэлжлүүлэн шалгаж байна.