Нийслэлийн Баянгол дүүргийн 20 дугаар хорооны нутаг дэвсгэр дэх дулааны шугамын худгаас цогцос гаргахад тусламж хэрэгтэй байна гэсэн дуудлагыг тавдугаар сарын 10-ны 21:50 цагт ОБЕГ-т ирүүлжээ.

Дуудлагын дагуу Нийслэлийн Аврах ангийн алба хаагчдыг очиход 1.5х2 метрийн хэмжээтэй, 3 метрийн гүн дулааны шугамын худагт нэр, хаяг тодорхойгүй 30-35 орчим насны эрэгтэй хүн унаж нас барсан байжээ.

Аврагчид цогцсыг гарган Баянгол дүүргийн Цагдаагийн Хоёрдугаар хэлтэст хүлээлгэн өгсөн хэмээн ОБЕГ-аас мэдээлэв.