Бага насны хүүхдийг нь бөмбөгөөр санаандгүй оносны төлөө өсвөр насны хүүг зодсон нэгэн залуугийн бичлэг цахим орчинд цацагдсан.

Тэгвэл уг үйлдлийг гаргасан эрэгтэйг олж илрүүлсэн бөгөөд СБД-ийн цагдаагийн газраас шалгаж эхэлсэн байна. 

Тодруулбал, тус Цагдаагийн хэлтсээс мөрдөн шалгаж байгаа бөгөөд тухайн этгээдийг олж тогтоон, мэдүүлэг авч эхэлсэн байна.

Албан бус эх сурвалжийн мэдээлснээр тухайн этгээд эрүүл байсан бөгөөд хүүхдийг нь бөмбөг оноход бухимдаж тухайн тоглож байсан өсвөр насны хөвгүүнийг очиж цохисон байна. 

Бусдын биед халдаж зодсон эл үйлдэл нь гэмт хэрэг аль эсхүл зөрчлийн шинжтэй үйлдэл болохыг мөрдөн шалгалтын явцад тогтоох юм.