Хөшигийн хөндийн бүтээн байгуулалтын хүрээнд Олон улсын санхүүгийн төв байгуулах тухай хуулийн төслийг боловсронгуй болгох, нарийвчилсан тооцоо судалгаа хийж, танилцуулах чиг үүрэг бүхий ажлын хэсэг өчигдөр /2023.05.01/ хуралдлаа.

Тус хуралдаанаар Хөшигийн хөндийн эдийн засгийн чөлөөт бүсэд дотоодын хөгжлийн томоохон төслүүдийн хөрөнгө оруулалт, санхүүжилтийн хэрэгцээг хангах бие даасан тусгай зохицуулалт бүхий Олон улсын санхүүгийн төв байгуулан хөгжүүлэх боломжтой гэж үзэн эрх зүйн үндсийг хуульчлан тогтоох 7 бүлэг, 22 зүйлтэй бие даасан хуулийн төслийг танилцуулав.

Хуралдааны үеэр эрсдэл, боломж, зах зээлийн тооцоо судалгааг хийх үүргийг мэргэжлийн байгууллагуудад өгөв.