Нийслэлийн Цагдаагийн удирдах газрын дэд бөгөөд НХЖХГ-ын дарга Б.Оюутболд “Өнгөрсөн 14 хоногийн хугацаанд гэмт хэргийн шинжтэй гомдол, мэдээлэл 2730 бүртгэгдсэн нь 13.6 хувиар буурсан үзүүлэлт гарчээ.

 Хулгайлах, залилах, дээрэмдэх гэмт хэрэг буурсан дүн мэдээтэй байна. Нийт 1246 гэмт хэрэг бүртгэгдсэн нь 32.5 хувиар буурсан” хэмээв. Мөн хүний биед халдах, танхайрах, гэр бүлийн хүчирхийлэл, архидан согтуурах зөрчил буурчээ.

Төрийн зарим чиг үүрэг, ажил үйлчилгээг хувийн хэвшил, төрийн бус байгууллагаар гүйцэтгүүлэх асуудлыг нийслэлийн хэмжээнд судалж, санал, дүгнэлт боловсруулж танилцуулах ажлын явцын талаар Нийслэлийн Үйлчилгээний нэгдсэн төвийн дарга Б.Ууганбат “Найман дүүргийн хэмжээнд 33 нэр төрлийн ажил, үйлчилгээг дүүргийн өмчит 23, хувийн хэвшлийн есөн байгууллага гүйцэтгэж байна. Баянзүрх, Чингэлтэй, Хан-Уул, Багануур, Багахангай гэсэн таван дүүрэг 10 нэр төрлийн үйлчилгээг хувийн хэвшилд шилжүүлэх боломжтой гэж саналаа ирүүлсэн” хэмээлээ.