Баруун аймгуудын нутгаар тэнгэр цэлмэг цаг агаар тогтуун. Орхон, Дархан, Сэлэнгэ цас зогссон хүйтэн салхитай. Өвөрхангай,Төв аймгийн зарим газраар цас орж цасан болон шороон шуургатай байна.

А0603 дугаартай Цэцэрлэг-Тосонцэнгэл-Нөмрөг чиглэлийн авто замын дагууд цас орж / Солонгот/-ын давааны 249-250 км-т замын зорчих хэсэгт цас шуурч, хунгарлаж тээврийн хэрэгслийн хөдөлгөөн зорчиход хүндрэл үүссэнийг “Завхан АЗЗА” ТӨХК автогрейдрээр түрж цэвэрлэж байна.

Иймд:

-Цаг агаарын мэдээ, мэдээллийг цаг тухай бүр сонсон, мэргэжлийн байгууллагаас өгч буй сэрэмжлүүлэг, анхааруулгыг дагах;

-Тээврийн хэрэгслийн жолооч нар хол, ойрын замд гарахдаа тээврийн хэрэгслийн найдвартай байдлыг хангаж бензин, шатахууны нөөцтэй, найдвартай харилцаа холбооны хэрэгсэлтэй, дулаан хувцастай зорчих, баталгаагүй зам, гүүр, гарамгүй газраар зорчихгүй байх;

-Иргэд, малчид болзошгүй эрсдэлээс урьдчилан сэргийлж, салхи шуурганд төөрөх, малтайгаа уруудах эрсдэлээс урьдчилан сэргийлж, малаа ойрын бэлчээрт хариулах, бага насны хүүхдийг малд явуулахгүй байхыг онцгойлон анхааруулж байна.