Хүн амын дунд зонхилон тохиолдож буй өвчлөлөөс урьдчилан сэргийлэх, иргэдэд эрүүл идэвхтэй амьдралыг сурталчлах, эрүүл зан үйлийг төлөвшүүлэх, эрүүл мэндийн боловсролыг дээшлүүлэх зорилгоор улсын хэмжээнд зохион байгуулагдаж буй “Энэ жилдээ - Эрүүл жиндээ“ аяны хүрээнд эрүүл мэндийн салбарын нийгмийн эрүүл мэндийн мэргэжилтнүүдийг чадавхжуулах сургалтыг 2023 оны 04 дүгээр сарын 03-ны өдөр ЭМЯ, НЭМҮТ хамтран зохион байгуулав.

Тус сургалтаар

• “Энэ жилдээ - Эрүүл жиндээ“ аяны мэдээлэл, зохион байгуулалт, анхаарах асуудлууд 
• “Эрүүл зөв зохистой хооллолт яагаад чухал вэ? 
• “Өглөөний цайнаас эрүүл мэнд эхэлнэ” 
• "Биеийн жингийн индекс тооцох арга" 
• “Илчлэг тооцох арга”
• “Эрүүл бус хүнсний хэрэглээ” 
• “Хоол хүнсний аюулгүй байдал” 
• "Үндэсний загвар ТҮМЭН дасгалыг сурталчлах, хэвшүүлэх гэсэн сэдвээр мэдлэг, мэдээлэл, аргазүйн зөвлөгөө өгч ажиллав.