50 гарсан төрсөн эгчийгээ хүчирхийлсэн 41 настай эрд 12 жилийн хорих ЯЛ ОНООЖЭЭ.

Тодруулбал, өмнө нь 6 жилийн хорих ялаар шийтгүүлэн хугацаанаас өмнө суллагдсан 41 настай Б.М нь Архангай аймгийн Хайрхан сумын .... багийн ... дугаар гудамжинд байх эзэнгүй хашаанд мөн дараа нь ... тоот хашааны гэрт тус тус төрсөн эгч Б. ... -ийг хүсэл зоригийн эсрэг хүч хэрэглэж, хүчээр бэлгийн харилцаанд орж, хүчиндсэн хэрэгт холбогджээ.

Болсон явдлын тухай хохирогч нь “... намайг ээжийндээ очиход ээж болон дүү М халамцуу сууж байсан. Би ээжид хоолоо хийхэд нь туслаад 22 цагийн үед харих гээд гарах гэтэл М “ажааг хүргэж өгнө” гээд хамт гарсан. Бид хоёр ... гудамж руу ороод эзэнгүй хашааны ойролцоо явж байхад М гэнэт намайг хашаа руу чирээд орсон. “Таныг хүчиндэнэ” гээд эзэнгүй байшингийн баруун талд газар цемент дээрг хэвтүүлж дарж авсан. Би нилээн удаан ноцолдсон ч дийлээгүй хүчирхийлүүлсэн” гэжээ. Дараагийн удаад сүх барин орж гэрт унтаж байсан ач зээ нарыг нь хөөж гаргаад мөн хүчирхийлжээ. Хохирогч тэр тухай “...би олон удаа болъё гэж уйлж, эгч нь шээмээр байна гэж хэлсэн боловч М нэгэнт эхэлсэн юм чинь дуусгана гэсээр байгаад 2- 3 цаг болсон. Дуусаад та цагдаад хэлэхгүй биздээ, та бид хоёрын дунд л үлдэх асуудал шүү гэсэн. Би энэ тухай эмэгтэй дүү Г-т хэлээд дүү нартаа битгий хэлээрэй, ажаа нь гэрээслэл бичээд амиа хорлодог юм билүү гэж хэлж байсан..” гэжээ.

М.Б нь хамаатны эмэгтэйчүүдээ “би та нарыг том жижиггүй хэрэглэнэ” гэж заналхийлсэн тул аргагүй цагдаад ханджээ.

Шүүх бусармаг эрд 12 жилийн чанга дэглэмтэй хорих ял оноосон байна.