Зах зээлд IHC койн гаргах замаар иргэдээс 30 тэрбум төгрөг татан төвлөрүүлсэн "Их бит" ХХК-ийн хувьцаа эзэмшигч нарыг цагдаагийн байгууллагаас шалгаж эхэлсэн талаар бид өмнө мэдээлсэн.

Тэднийг койноор татан төвлөрүүлсэн хөрөнгийг зориулалтын бусаар зарцуулсан болон зах зээлд манифуляци хийж олсон орлогыг угаасан гэх хэрэгт холбогдуулан шалгаж буй юм. Энэ сарын эхээр О.Мөнхжин болон хамаарал бүхий хэд хэдэн хүний гэр, оффист нэгжлэг хийж, улмаар  тус хэрэгт шалгагдаж байгаа О.Мөнхжин, Б.Гантиг, Б.Эрхэмбаяр нарыг  Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхээс НЭГ САР цагдан хорихоор шийдвэрлэсэн.  

Тэгвэл бидэнд ирсэн мэдээллээр, энэ хэрэгтэй холбоотойгоор О.Мөнхжин, Б.Гантиг нар 2 тэрбум гаруй төгрөгөөр 10 орчим өмгөөлөгч, хоёр ч хуулийн фирм хөлсөлжээ. 

Тэд иргэдээс 30 тэрбумыг төвлөрүүлж, хөлжсөн ч койн худалдан авсан иргэд өнөөдөр юу ч үгүй болж, эхнээсээ гудамжинд гарсан.  Гэтэл би л "хохирч байна, өлсгөлөн" зарлана гэж уйлж суусан О.Мөнхжин, түүний найз Б.Гантиг нар иргэдээс босгосон мөнгөнийхөө өчүүхэн хэсэг болох хоёр тэрбум төгрөгөөр өмгөөлөгч хөлслөн шүүгч, прокуроруудад нөлөөлөхийг оролдож эхэлсэн бололтой. 

Бид энэ талаар удахгүй дэлгэрэнгүй мэдээлэл хүргэнэ.